పుట:ఉషాపరిణయము (పసపులేటి రంగాజమ్మ).pdf/142

102

ఉషాపరిణయము

గీ.⁠

నద్దమును క్షీరకుంభంబు లలరుసరులు కామధేనువు మున్నుగాఁ గల్గుభవ్య వస్తువులతోడ శోభనవాద్యములును బూని కాచిరి కొంద ఱంభోజముఖులు.

⁠ 100

సీ.⁠

పడకింటిలోపలఁ బవళించి యున్నట్టి         కాంతలు మేల్కాంచి కంతుతనయుఁ డీరేయి యిక్కడ నెలమితోఁ గ్రీడించి         మనల వంచించి యేమగువకడకొ చని దానితో గూడి సంతోష మమరంగ         బడలిక నెమ్మేనఁ బొడమ నిపుడు నౌరౌర! యుదయమైనదియును నెఱుఁగక         యూరక నిదురింపుచున్నవాఁడొ!

⁠

గీ.⁠

పురిని గల వారయువతులపొందుఁ గోరి మదనకేళికి నలయుచు నిదురఁబోయి తెల్లవారినకతమున నుల్లమునను సిగ్గుపడి రాకయున్నాడొ! చెలువలార!

⁠ 101

క.⁠

ఇచ్చకములాడి మిక్కిలి విచ్చలవిడి గొల్లచెలుల వేడుక మీరన్ దచ్చనలఁ గూడి జుణిగెడు నచ్చుతునకు మనుమఁ డనిన నడుగఁగ నేలా.

⁠ 102

క.⁠

అని యనిరుద్ధుని నింతులు మనమున నెన్నుచును మిగుల మమతలు హెచ్చన్ వనితలయిండ్లను వెదకఁగ ననఁబోఁడులఁ బంపి రపుడు నవ్వుచు నంతన్.

⁠ 103