వ. |
అని నీనెచ్చెలులు ముచ్చటనున్న యాసమయంబున.
|
|
అంతఃపురపు కావలివారు ఉషానిరుద్ధులుండు విధమును గని యచ్చెరువంది బాణుని కెఱుకపఱచుట
సీ. |
గండశైలమురీతి గనుపట్టు శిరముల
విరసి తూలెడు పల్లవెంట్రుకలును
బండికండ్లను గేరు బటువులౌ మిడిగ్రుడ్ల
వేఁడిమి వెదచల్లు వీక్షణములు
కడువిశాలములైన కడుపులపైఁ బడి
జానుల జాఱెడు చన్నుగవలు
వంకలై కనుపట్టు వాఁడికోరలుఁ గల్గి
చాకిబానల మించు బాకినోళ్లుఁ
|
|
గీ. |
బ్రాఁతచేటల కెనయైన పాదములును
గటికిచీఁకటిఁ గమ్మెడు కారుమేను
లమర గుదియలబోలు బెత్తములుఁ బూని
అన్నగారులు తమవెంట నంటినడవ.
| 54
|
చ. |
కనకమయాంబరంబులును గస్తూరివీణియలున్ జవాదియున్
బునుఁగును గుంకుమంబు ముడిబువ్వులు తావులుగుల్కు చందనం
బును దెలనాకుకట్టలను బోఁకలముళ్లును బాణపుత్రికిన్
దినమును దెచ్చుకట్టడగఁ దెచ్చిరి హెగ్గడికత్తె లత్తరిన్.
| 55
|
సీ. |
పగడంపుచాయల జిగిమించు మోవుల
సొంపుమీరిన పలుగెంపుగములఁ
బెక్కుటద్దంబుల చెలువుమీరుచు నున్న
గోటిజీరల పలునీటువగల
|
|