పుట:ఉషాపరిణయము (పసపులేటి రంగాజమ్మ).pdf/124

84

ఉషాపరిణయము

క.⁠

అని మనమున నుష యీగతి ఘనమగు విరహంబుచేతఁ గలఁగంగా న య్యనిరుద్ధుం డావేళనె తనమనమున నిట్టులనుచుఁ దలఁచెను బ్రేమన్.

⁠ 47

సీ.⁠

ఇంతి! నీవలిగిన హేతు వెయ్యది? యని         యడుగక నే నేల? యలిగి తగట! కలికి! నీయలుకకుఁ గారణం బేమని         యిపుడు నే నడిగితే యింత తడవు పలుకక యిప్పుడు పల్కవచ్చె నటంచుఁ         బలుకునో! పలకదో! పద్మగంధి మోడి యేమిటి? కని మ్రొక్కి నే వేఁడినఁ         జూచునో! చూడదో! శోభనాంగి

⁠

గీ.⁠

యీవిరహసాగరము దాఁట నేది? తేప యేమి సేయుదు? నీకోప మెట్లుదీరు? నిమిష మేఁడయి తోచెను నెనరుమీర వెలఁదిఁ గూర్పంగ నెవ్వరి? వేఁడుకొందు.

⁠ 48

సీ.⁠

కదియుచీఁకటిఁ జంద్రుఁ డుదయించు టౌగదా!         తెఱవ యిప్పుడు మోముఁ ద్రిప్పెనేని యాకలిఁగొన్నచో నమృత మబ్బుటగదా!         యింతి కెమ్మో వాననిచ్చెనేని పేదకు బంగారుబిందె లబ్బుటగదా!         చెలువ కుచము లంటఁ జేర్చెనేని యెండ నుండఁగ నీడ యెదురువచ్చుటగదా!         సుదతి చల్లనిచూపుఁ జూచెనేని

⁠