| క. |
ముచ్చు వగమీర నెచ్చెలి
యచ్చటిసతు లెఱుఁగకుండునట్లుగ వేగన్
బచ్చవిలుకాని తనయుని
నచ్చెరువుగఁ దోడి తెచ్చు నాసమయమునన్.
| 92
|
అనిరుద్ధుని దోడ్కొనివచ్చుటకై చనిన చిత్రరేఖ రాకయున్నందులకు నుష చింతించుట
| క. |
అనిరుద్ధునిఁ దోడ్కొని యిదె
వనితామణి చిత్రరేఖ వచ్చు నటంచున్
దనరెడు చెలిమిని బాణుని
తనుజన్ గైసేయునట్టి తలఁపమరంగన్.
| 93
|
| సీ. |
పన్నీటి చేతను బాగుమీరఁగ నంత
జలకంబు లాడించె సకియ యొకతె
పొసఁగంగ నవరత్నభూషణావళులచే
నెలమి శృంగారించెఁ జెలియ యొకతె[1]
|
|
| గీ. |
విదియచందురుమించిన వెలఁదినుదుట
దిలక మొప్పఁగఁ దీర్చెను గలికి యొకతె
తీరుమీరఁగఁ బాపటఁ దీర్చి చెలికిఁ
గొప్పు సవరించె నొప్పుగఁ గొమ్మయొకతె.
| 94
|
| సీ. |
ప్రతి లేని పసిఁడిచప్పరపుమంచంబునఁ
బరఁగు కుంకుమపూలపఱఫుఁ బఱచి
కళుకుసూర్యపటంబుతలగడ లమరించి
బాగైన సకినలబటువు లుంచి
|
|
- ↑ ఈ పద్యమున సీసపాదములు రెండు మాత్రమే యున్నవి.
