పుట:ఉద్భటారాధ్యచరిత్రము.pdf/404

172

ఉద్భటారాధ్యచరిత్రము

గీ.⁠

ఉక్తదక్షిణ నారాధ్యు భక్తిఁ దలఁచి సకలజంగమగురురాజ శైవసముద యముల నర్హసపర్యల నలరఁజేసి నిత్యసౌభాగ్యమయమూర్తి నెగడె నృపుఁడు.

⁠ 221

ఉ.⁠

మానితమూర్తి భూపతి యుమాపతి నీగతిఁ బ్రాణలింగముం గా నొనరించి పుణ్యములకందువఁ గాంచి దయార్ద్రచిత్తుఁడై మానుషలోకముం బెనుచు మంజులకీర్తులు మిన్నుముట్ట వి ద్యానిధి నుద్భటుం గురుకులాగ్రణి రాజ్యధురీణుఁ చేయచున్.

⁠ 222

క.⁠

పులు దుది విధాత యాదిగఁ గలవిశ్వమునందుఁ గాలకంఠుఁడు గౌరీ లలనామనోహరుని మదిఁ దెలిసి యతం డేలు వసుమతీవలయంబున్.

⁠ 223

సీ.⁠

భూరివివేకంబు పుట్టినప్పుడె పుట్టెఁ         గాకున్న నొరులకుఁ గలదె యిట్లు బుధపోషకేలియుఁ బుట్టినప్పుడె పుట్టె         గాకున్న నొరులకుఁ గలదె యిట్లు పుణ్యంబుఁ దెలివియుఁ బుట్టినప్పుడె పుట్టెఁ         గాకున్న నొరులకుఁ గలదె యిట్లు భూతదయాప్తియుఁ బుట్టినప్పుడె పుట్టె         గాకున్న నొరులకుఁ గలదె యిట్లు

⁠

గీ.⁠

బుద్దియును బుట్టినప్పుడే పుట్టె నెనరుఁ గలసి కాకున్న నొరులకుఁ గలదె యిట్టు ననుచు నఖిలంబుఁ దనుఁ గొనియాడుచుండ బల్లహాదులరీతిఁ బ్రాభవముఁ దాల్చె.

⁠ 224