|
రములఁ గృపఁ జూచి మీయందు రథము నడవం
దెఱపి యిం డన్న ననియు నత్తెరఁగు చేసె.
| 47
|
క. |
అంతట నేడునగంబులు
నంతర్ధానంబు [1]చేసి యట చనఁగా న
త్యంతభయంకరకర్దమ
సంతమసంబున రథంబు సాగక నిలిచెన్.
| 48
|
మ. |
మఱియుం జీఁకటికొండ చందమయినన్ మాకెల్లఁ బాతాళము
న్దఱియం జొచ్చు తెఱంగు దోఁచె నచటనే దైత్యాంతకుం డుద్ధతి
న్నఱకెం దత్తిమిరంబు నంబుధములోనం దోఁచుదంభోళిద
[2]గ్గఱుచుట్టం బన విక్రమక్రమణచక్రక్రీడ శోభిల్లఁగన్.
| 49
|
శా. |
ఆకాశంబు వెలుంగఁ దోఁచె నడ పో నత్యద్భుతాకారుఁడై
రాకాచంద్రదివాకరానలశిఖారత్నప్రభాజాలరే
ఖాకాంతింబురుషుం డొకం డచట లోకం బెల్ల నిండించినన్
మాకన్నుఁగవ లిట్టిరూప మని నమ్మజాలవయ్యె న్నృపా.
| 50
|
క. |
నను నవ్విప్రుని నచ్చో
నునిచి జగన్నాథుఁ డఖిలయోగనిధి జనా
ర్దనుఁ డాతేజములో[3]నం
జనఁ జొచ్చె న్మగుడఁ దెచ్చెఁ జచ్చినసుతులన్.
| 51
|
కృష్ణుఁడు విప్రకుమారులఁ దెచ్చి యిచ్చి ద్వారకకు వచ్చుట
తే. |
ఎవ్వఁ డెయేఁట బుట్టె నయ్యేటి[4]వయసు
సుతుల మువ్వుర నాఁడు గన్నతనిఁ గూర్చి
యిచ్చె నలువుర సుతుల మహీసురునకు
వచ్చితిమి క్షణంబున ద్వారవతికి నేము.
| 52
|
మ. |
దివసార్ధంబునఁ జోయి వచ్చుట ధరిత్రీనాథ చిత్రంబు భ
క్తవిధేయుం డగు దేవదేవుని ప్రసాదం బెట్టిదో యేము బాం
|
|
- ↑ చేసె నట (ఉ-హరి-4)
- ↑ గ్గఱుచందంబున
- ↑ ఁజొచ్చెన్ దెచ్చెన్ జచ్చినట్టి శిశువుల
- ↑ ప్రాయమైన