పుట:ఉత్తరహరివంశము.pdf/316

షష్ఠాశ్వాసము

261

క.⁠

ఆసాగరవిభుఁ డిట్లను బాస వలికినాఁడ నేను బాణునితోడన్ నీసురభుల నే నసువులఁ బాసినపుడు గాని యొరులపాలికిఁ బోవన్.

⁠ 261

క.⁠

ఈనంటిఁ గాన నను నను మానము లేకుండఁ జంపి మఱి గోగణమున్ నీ నేర్చునట్లు గొని పొ మ్మో నలినదళాక్ష త్రిభువనోత్తమమూర్తీ!

⁠ 262

క.⁠

అనుడుం గరుణారసమున మన మభిషేకంబు చేయఁ బాశధరునికిన్ దనుజునియావుల నిచ్చెను జనియెఁ బురికి వరుణుఁ దంత సంతస మెసఁగన్.

⁠ 263

వ.⁠

ఇవ్విధంబునం బురంబు చేరం జనునప్పుడు.

⁠ 264

సీ.⁠

గంధర్వజయజయ గాననాదంబులు                  శంఖారవంబులు సాము చేయ ముత్యాలసేసల మొల్లంబుతోఁగూడ                  సురపుష్పవృష్టులు సొబగు మీఱ ద్వారభాసురమణితోరణపంక్తితో                  విబుధజూటప్రభ వియ్య మంద బర్హీర్ముఖారూఢభద్రసామజములు                  కేలిశైలంబుల గేలి సేయ

⁠

ఆ.⁠

సురభీయుక్తధార సుకుమారమకరంద సక్తియుక్తచిత్తషట్పదాళి మధురనినదకలితమాన్యతరూద్యాన మైనపురము చొచ్చె నచ్యుతుండు.

⁠ 265