అనుటయుం బతంగపతి వసుమతికి నవతరించి వసుదేవసుతుని తలంపున
కనుగుణంబుగ నడచి కడచి ముంగిలియై జంగిలి వెలుచు గోపాలు పోలికం
బ్రతిబలంబులం గదలించియు నదలించియుఁ గడంగి యీటడంగి తాళఫలంబులు
డులుచు పెలుచునం బొదివి పెల్లొదివి హస్తికుల మస్తకంబుల ధర నురలిం
చియుఁ బొరలించియు ముంచి మెయిమెంచి మించిన తురగదళంబులం బొలి
యించియు నరదంబులు చెక్కలు వాయ ఱెక్కల విదిచియు నద్రిచియుఁ
బేరెలమిం దంపడినవీరుల నారెలం జీరి నారులు వోసినట్లు చేసియు మెండు
కొనియున్న శుండాలంబుల తొండంబులు వట్టికొని గుండెలు వగులందన్నియుఁ
గడిమిఁ గడచన్న పన్నగయక్షరాక్షసులఁ బెడచేత వ్రాసియు డాసియుఁ
బాసియు లాసియు వాసి చెడక కలకలంబులు సేయ పలకలవారి కనుంగు
టంబుల నింగికిం జిమ్మియు పఱిపఱిగా నఖంబుల వ్రచ్చియు విచ్చియు
జోచ్చియుఁ బెచ్చు పెరిఁగి వచ్చు బేతాళంబులం బాతాళంబు సొర నడిచియుఁ
బిడిచి వైచిన చందంబున మడఁచి త్రోచియు సరసాన బెరసినం గరసాన నొరసిన
వెరవు చేసియు గేడించినఁ గూడించి యడంచియుఁ బెల్లగిల్లిన మల్లడి గొలిపియు
ననే ప్రకారంబులం జీకాకు పఱిచె నట్టియెడ.