పుట:ఉత్తరహరివంశము.pdf/192

చతుర్థాశ్వాసము

137

⁠

భీషణం బగువేషంబు బింబితావ హిత్థరోషంబుఁ గనుఁగొని యిట్టులనియె.

⁠ 172

మ.⁠

ఇతఁడే సాత్యకి యిమ్మహాభుజుబలం బెల్లప్పుడుం జెప్పఁగా శ్రుతిపర్వంబగు నేఁడు గంటిమిగదా శూరుండు ధీరుండు సు వ్రతుఁ డౌదార్యసమన్వితుం డఖిలశాస్త్రజ్ఞుండు శస్త్రక్రమా ర్జితసారుం డనుమాటలన్నియుఁ దగుం జిత్తం బుదాత్తంబుగన్.

⁠ 173

వ.⁠

అనుటయు జనార్దనుండు.

⁠ 174

క.⁠

హరిదక్షిణభుజము సమి ద్దురంధరుఁడు నయవిహారదోహలి హలికిం బరమాప్తుఁడు సకలకళా పరిణతుఁ [1]డీతం డలంతిపని వచ్చునటే.

⁠ 175

వ.⁠

అనుటయు హంసుండు సాత్యకితో నిట్లనియె.

⁠ 176

.

గీ.⁠

కంసవైరికిఁ గుశలమే కామపాలు నకుఁ బ్రమోదంబె యాదవులకు సుఖంబె యుగ్రసేనుండు మొదలుగా నున్న సాత్వ తులకు నెల్లను సేమమే దురితదూర.

⁠ 177

క.⁠

అనవుడు సాత్యకి మోమునఁ గొనసాగనితెలివి దోపఁ గుశలమ నీచె ప్పినవారి కెల్ల ననుటయు ననియె జనార్దనునితోడ హంసుఁడు పిదపన్.

⁠ 178

శా.⁠

కంటే శౌరి నతండు నీ పలుకు లాకర్ణించెనే క్రమ్మఱన్ వింటే తద్వచనంబు చెప్పు మనుడు న్విప్రోత్తముం డిట్లనున్ గంటిన్ గంటి దయానిధిన్ గుణనిధిన్ గారుణ్యపాథోనిధిం గంటి న్నమ్మికఁ దమ్మికంటిఁ గొలువం గంటిం గృతార్థుండనై.

⁠ 179

1. డతలంకి రాచపని నచ్చునటే