పుట:ఉత్తరహరివంశము.pdf/141

86

ఉత్తరహరివంశము

క.⁠

[1]అయ్యాదవగోపాలుం డెయ్యెడ నున్నాఁడొ పనుల నెం దడఁచెనొకో యయ్యన్న తమ్ముఁడవు నీ వియ్యాడెడుబిరుదుమాట లెచటఁ జదివితో.

⁠ 46

చ.⁠

మిడికెడు వాసుదేవుఁ డన మీఁదు దలంపక యాదవుం డొకం [2]డుడుగఁడు వానిఁ ద్రుంతు సమరోర్వరలో నని వచ్చి పోరునే పడుచులతోడఁ బౌండ్రుఁ డది పంతమె నావిశిఖంబు మ్రింగు నీ తొడిగినబాణము న్వెనుక తూణమునందుననున్న ప్రాణమున్.

⁠ 47

గీ.⁠

చక్రి పొడమంగఁ బార్థివస్థాన మయ్యె నోరి మీ వంశమందుఁ దాఁకోర్వఁ జాలు వారిఁ జూపుము కుమ్మరావమున రాగి ముంత లేఱుంగఁ గలవె నీ కింతయేల.

⁠ 48

వ.⁠

అనుటయు సాత్యకి కోపించి.

⁠ 49

క.⁠

ప్రేలకు జీలుగు వెరిఁగిన మాలెకుఁ గంబంబు గాదు మాటలు మిగులన్ [3]నాలుక గఱచినయంతనే దాలునొ మగతనము జూప సాత్యకి యెదురన్.

⁠ 50

క.⁠

గిరితోడ [4]నురభ్రకమును హరితో [5]భషకంబుఁ జెనయునట్టిద కాదే హరితోడ నీవు లావునఁ బురణించుట పౌండ్ర! నీకు బోఁ టేమిటికిన్.

⁠ 51

ఉ.⁠

పన్నిదవాఁడ వింకఁ జెడి పాఱకుమీ యని మూదలించి చే నున్న నిశాతబాణము మహోద్ధతిమై నరిబోసి యేసినన్ గన్నుల నోర నెత్తు రొలుకంగ శతాంగముమీఁద వ్రాలె నా సన్నపరేతరాజ ఘనసౌధతలంబునఁ బవ్వళించె నాన్.

⁠ 52

1. అయ.... డేయెడ...యీయిన్న....వీయడి బీరలపు
2. దుడుగక వానిముంతు లవణోదములో నని
3. నాలుగు
4. న కరిపోదము
5. ఋక్షంబు