పుట:ఆముక్తమాల్యద.pdf/63

⁠

మాసె నఘస్ఫూర్తి, మరుభూములందును                    నెల మూఁడు వానలు నిండఁ గురిసె నాబాలగోపాల మఖిలసద్వ్రజమును                    నానందముగ మన్కి నతిశయిల్లెఁ

⁠

తే.⁠

బ్రజల కెల్లను గడు రామరాజ్య మయ్యెఁ జారుసత్త్వాఢ్య, యీశ్వర నారసింహ భూవిభుని కృష్ణరాయ యభ్యుదయ మొంది పెంపుతో నీవు ధాత్రిఁ బాలింపఁగాను.

⁠ 34

క.⁠

తునియలు తొమ్మిదియఁట! పదు నెనమండ్రఁట మోచువా రనేకసకిటికూ ర్మనగాహు! లేటి లావరు! లని తావకబాహు వొకటి యవని భరించెన్.

⁠ 35

సీ.⁠

తొలుదొల్త నుదయాద్రిశిలఁ దాఁకి కెరలు నీ                    యసి లోహమున వెచ్చనై జనించె; మఱి కొండవీ డెక్కి మార్కొని నలియైన                    యల కనవాపాత్రు నంటి రాఁజె; నట సాఁగి జమ్మిలోయఁ బడి [1]వేఁగ దహించెఁ                    గోన బిట్టేర్చెఁ; గొట్టానఁ దగిలెఁ; కనకగిరి స్ఫూర్తిఁ గరఁచె; గౌతమి గ్రాఁచె;                    నవుల నాపొట్నూర రవులుకొనియె;

⁠

తే.⁠

మాడెములు వ్రేల్చె; నొడ్డాది మసి యొనర్చెఁ; గటకపురిఁ గాల్చె గజరాజు గలఁగి పఱవఁ దోఁక చిచ్చన; నౌర నీ దురవగాహ ఖేలదుగ్రప్రతాపాగ్ని కృష్ణరాయ.

⁠ 36

ఉ.⁠

చిత్రము, కృష్ణరాయనృపశేఖర నీ దగు ధాటి కోడి స ర్వత్ర నిలింప కామినులవాడకుఁ గాఁపులు వోయి, రుత్కల

⁠

1. వేఁగి