పుట:ఆముక్తమాల్యద.pdf/180

వ.⁠

అని యిట్లు త్రపాభరంబున నుపాలంభదంభంబుగాఁ జేయు పునఃపునస్స్మ రణంబున నంతఃకరణరాగంబు దేటపడం దెలిసి బోటు లీబోటి కైటభారియెడ నాటుకొన్న కన్నెకూర్మి లజ్జావశంవదయై వెలివిరియంగానీక పుటపాక నికాశం బగుకాఁకఁ జీకాకుపడి నాఁడునాఁటికి నగుచున్నట్ల గిటగిటనగుచున్న దింత నియ్యింతి యెరవు మాన్చి మనలను గుట్టెఱుంగనీయని యింగితం బెఱుకపఱుచుకొని చింతాపనోదనంబు సేయకున్నం బ్రమాదం బని నవ్వుచు నర్మగర్భంబుగా నిట్లనిరి.

⁠ 55

ఉ.⁠

ఎవ్వరు నట్లపో నెరసు లెన్నకమానరు ప్రాణభర్తలం దవ్వుల నున్నఁ గాఁక కతన, న్మఱి వారలు వశ్యు లైనఁ దా రెవ్వరి నొల్ల కొక్కటయి యింద్రుఁడు చంద్రుఁ డటండ్రు బోటి దా నివ్వలఁ దేరకత్తె యగు నిట్టివి నీతల వేగెనే చెలీ.

⁠ 56

క.⁠

అనుటయు నెలనగ వడఁచుచుఁ గన లించుక తెచ్చి యౌడు గఱరుచు నయ్యం గనలన్ కందుకనికరముఁ గొని వ్రేయుచుఁ గెలను చూచుకొనుచుం బలికెన్.

⁠ 57

క.⁠

విడువక మీ గానము సొగ సిడుటయు, మఱి పాడుఁ డనుట యెగ్గే? పాసెం బడిగిన వారే పేదలె? కొడిమెలు గట్టకుఁడి యతనిఁ గొని పని యేలా?

⁠ 58

శా.⁠

పోనిం డన్న, వయస్య లిట్లని, రగుం బో నిక్క, మిం కిప్పుడే కాని, మ్మిం కొకకొంతసేవటికి నే కానీ, సఖీ, యెల్లియే కానీ, నీనుడిఁ దన్మనోజ్ఞగుణము ల్రానీ, తదన్యాయము ల్రానీ, చిందినఁ జింత నీ కతనిపైఁ గా కెవ్వరిం దేల్చెదే?

⁠ 59

సీ.⁠

నఖముఖోజ్ఝితపరాఙ్ముఖముక్తబాష్పాంబు                    పటిమ దీపపుఁజిటబిటలు దెలుపఁ, బొరి నుపాంశూత్సృష్టపూత్కృతు ల్కృశమధ్య                    పార్శ్వముహుఃప్రకంపములు దెలుప,

⁠