పుట:ఆముక్తమాల్యద.pdf/177

⁠

బాడు పద్మాలయాపరిణయామేయగే                    యముల ననంతు కళ్యాణగుణము,

⁠

తే.⁠

అద్భుతం బొప్ప విని విని యతనిఁ గవయు బుద్ధి ప్రాగ్జన్మసంస్కారమున జనింపఁ దదవతారానుమేయ కథాసుధాను కలితలీలానుకృతుల వర్తిలుచు నుండి.

⁠ 37

సీ.⁠

తమ తండ్రి శ్రీశ దత్తశ్రీలు గృహమున                    ద్రవ్వి తండములయ్యుఁ దనదు తొంటి స్రగ్వి నిర్మాణదాస్యం బనుత్సేకత                    జరపుచుఁ బ్రజ్ఞ వైష్ణవపురాణ సంహితావ్యాఖ్యారచనఁ బ్రొద్దుఁ గడుపుచుఁ                    గట్టెడు కమ్మ చెంగలువ విరుల తోమాలె లలకలు దువ్వి కంతునకు [1]బా                    ర్హనిబద్ధఖేటకం బనఁగ నీల

⁠

తే.⁠

వృషక కుద్రేఖ నెడమకొక్కింత యొఱుగ నిడిన ధమిల్లవలయంబు నడుగునందుఁ గొంతసే పర్ధిఁ గీలించి కూపవారి నీడ వీక్షించి క్రమ్మఱ గూడ నునుచు.

⁠ 38

ఉ.⁠

ఆ నవలా యలంతి పసుపాడి దుకూలముఁ దాల్చి గుబ్బచన్ గోనలఁ దావు లుప్పతిలఁ గుంకుమ తేటల నిగ్గు దేరఁ గ ప్రానన నాభిఁ దీర్చి పితృబద్ధ లతాంతము లర్ధిఁ గొప్పునన్ బూని యొకింత సే పునిచి పుచ్చి చెలిం గని వెచ్చ నూర్చుచున్.

⁠ 39

క.⁠

మీ పాడిన హరిచందము, లే పాడిగఁ దలఁపవచ్చు? నితఁ డేసతులం గాపాడినవాఁ డనుఁగై త్రోపాడినఁ దన్ను వలచి, తొయ్యలులారా?

⁠ 40

1. కూర్పరబద్ధఖేటకం