వ. |
అని యున్నదిగనుక యగణము శుభప్రదమేయైనను సద్గణసాంగత్యముచేత విశే
షముగ శుభఫలము నిచ్చును.
| 27
|
రగణమునకు:—
గీ. |
గ్రహము భౌముఁ డగ్ని కర్త శృంగారంబు, రస మసురగణంబు రాచవెలఁది
భయము ఫలము కృత్తికయు తార కెంపుడాల్, రాశి యోని యజము రగణమునకు.
| 28
|
వ. |
గ్రహ మంగారకుఁడు, అగ్ని దేవత, శృంగారరసము, అసురగణము, క్షత్త్రియజాతి,
యాఁడుది, ఫలము భయము, నక్షత్రము కృత్తిక, కాంతి యెఱువు, రాశి యోని
యు మేషము.
| 29
|
ఇందుకు లక్ష్యములు, పాదాంగచూడామణియందు:—
చ. |
జ్వలనుఁ డధీశుఁడున్ గులము క్షత్రియమున్ బవడంపుఁగాంతి పెం
పలరు గ్రహంబు భూతనయుఁ డాతఁడు రక్తపువన్నె పావకా
ఖ్య లలితతార దైత్యగణ మయ్యజయోనియు మేషరాశియున్
ఫలము భయప్రదంబు రగణంబునకున్ ద్రిదశేంద్రవందితా.
| 30
|
కవిసర్పగారుడమున: —
మ. |
అనలుం డీశుఁడు రాశి మేషము గ్రహం బాభౌముఁ డత్తార సం
ప్రణతిన్ గృత్తిక దైత్య మౌ గణము వైరాజ్యంబు వంశంబు మే
క నెఱిన్ యోని ఫలంబు భీ రసము శృంగారంబు సత్కాంతి కో
కనదాచ్ఛచ్ఛవి మించు నారగణ మేకాలంబు ధాత్రీస్థలిన్.
| 31
|
చమత్కారచంద్రికయందు:—
|
"భీతిదాయీ మధ్యలఘూ రగణో వహ్ని దైవతః”
| 32
|
సాహిత్యచంద్రోదయమున:—
|
“రగణ శ్శ్రీకరః పుంసాం యగణానుగతో భవేత్
గద్యపద్య ప్రబంధాదౌ తత్రోదాహరణం కృతిః"
| 33
|
అధర్వణచ్ఛందంబున:—
క. |
పొగడొందఁ బద్యముఖమున, రగణము యగణంబుఁ గూడి రాజిల్లిన నీ
జగమంతయు నేలెడివాఁ డగుఁ గృతిపతి విభవయుక్తుఁ డగుఁ గవివరుఁడున్.
| 34
|
వ. |
రగణము కానిదైనను సద్గణసాంగత్యముచేత శుభఫలము నిచ్చును. ఈరగణ మగ్ని
గణముగనుక వాయుగణ మైనసగణముతోఁ గూడినఁ జిచ్చు గాలికూడినట్టులు
కావున నటువలె నుంచరాదు.
| 35
|