పుట:ఆంధ్రకామందకము (జక్కరాజు వేంకటకవి).pdf/69

సీ.⁠

వినయంబుఁ జేకొని వినుతింపఁ దగుప్రయో             జనము నందలి పతిచతురిమంబు నాపదల్ చెందినయప్పుడు నేరని             నడకలు విడువక నడచునపుడు కార్యభారంబులు గడపునప్పుడు తన్ను             నడిగిన శుభవాక్య మాడవలయు నెపుడు పథ్యంబును హితవుగా నిజమాడ             యుక్తంబు ధర్మోపయుక్తరీతి

⁠

తే. గీ.⁠

నెట్టివేళల నమ్మనియట్టిమాట, మఱియు సభ మెచ్చనటువంటి మాట, కర్ణ కటువగుచునుండు మాట, యే కడలనైన నాడఁగా రాదు సేవకుండైన యతఁడు.

⁠ 18

సీ.⁠

అధిపతి యేకాంత మతని రహస్యంపుఁ              బనుల నెవ్వరితోను బలుకరాదు ద్వేషంబు నాశంబు తెగులు నెవ్వేళలఁ             దనమది నైనను దలఁపరాదు సుదతులతో వారిఁ జూచువారలతోడఁ             బాపకర్ములతోడఁ బరులదూత జనులతో రాజుచేతను నిరాకృతిఁ గన్న             వారితో నేకాంతవర్తనములు

⁠

ఆ.⁠

వారితోడి పొందు వర్జింపఁగాఁ దగు నధిపు వేషభాషలందు గలయఁ బూని మెలఁగరాదు బుద్ధిచేఁ దనరెడు సేవకులకు నెల్ల క్షితిఁ దలంప.

⁠ 19