పుట:ఆంధ్రకామందకము (జక్కరాజు వేంకటకవి).pdf/52

⁠

వినుతగాంభీర్యుఁడై వృద్ధోపసేవియై             యలరుట మంచిమాటలఁ బలుకుట సరసత సద్గుణజాలంబుపై నను             రాగంబు గలుగుట రాజగుణము

⁠

గీ.⁠

లిట్లు తగు నాత్మసంపద నెసఁగి నీతి సరణి నిసుమంతయును మీఱి చనక లోక చర్య లెల్లను గనుఁగొంచు జనులఁ దండ్రి చాడ్పునను బ్రోచువాఁడెపో జనవిభుండు.

⁠ 74

ఆ.⁠

ఎట్టి గుణము లంది యేనీతి నడచినఁ బ్రజలు దన్ను జేరి భక్తిఁగొల్తు రట్టి గుణము లంది యారీతి నడువఁగా వలయు రాజు భూమివలయమందు.

⁠ 75

ఉ.⁠

ఎందును దుర్గుణుండగు మహీపతియైనను మంచిబంట్లఁ దా జెందిన సద్గుణుండగుచు శ్రీల వహించును గాక దుష్టులం జెందిన రాజు పాములను జెందిన గందపు మ్రానువోలెఁ దా నిందితుఁడై జనంబులకు నిచ్చలుఁచేరగరాక యుండఁడే॥

⁠ 76

క.⁠

పరమపవిత్రులఁ గులజుల సరసులఁ బ్రజ నెల్లఁగైవసముగా నిచ్చల్ ధర మెలఁగు క్రోధరహితులఁ బరిజనములఁ జేయవలయుఁ బార్థివుఁడెందున్.

⁠ 77

వ.⁠

అందు.

⁠

క.⁠

చెడుగులగు గడుసుమంత్రులు కడు సన్మార్గంబు లుడుగఁగాఁ జేసి పతిం దొడిఁబడఁ జెఱుతురు గనుకె య్యెడ మంచిప్రధానుతోడ నెనయఁగ వలయున్.

⁠ 78