పుట:ఆంధ్రకామందకము (జక్కరాజు వేంకటకవి).pdf/45

క.⁠

ఎన్నఁగ సుజనులు గొల్వఁగ నున్నమహీపతులు మిగుల నొప్పుదు రిలలో సున్నము చేసినమేడలు పున్నమవెన్నెలలచేతఁ బొలుపగు మాడ్కిన్.

⁠ 40

గీ.⁠

సుజనజనులచేష్టితము భూప్రజకు మోద మొసవు లీలను గలువల పొసగఁ బొదలు సరసులును జంద్రకళలు వసంతవనము సంతస మొనర్పలేవుగా సంతతంబు.

⁠ 41

దుర్జనసంగతి

క.⁠

దోసం బనక తపింపం గా సుజనులఁ జేయునట్టి ఖలసంగతి రా జేసరణి నైనఁ గానీ వేనసవి మరుభూమివోలె విడువన్ వలయున్.

⁠ 42

క.⁠

కులమును శీలము చదువును గల సుజనులలోనఁ జొచ్చి ఖలుఁ డేఁచును ని చ్చలు హేతువు గలుగకె యిం గల మెండినచెట్ల నేర్చుగతి నెచ్చోటన్.

⁠ 43

ఉ.⁠

సారెకు వాగ్విషంబు వెదఁజల్లుచు వక్రగతిన్ మెలంగుచున్ గ్రూరత సాధుమంత్రములకున్ భయ మందక యెట్టివేళయం దూరక చిఱ్ఱుబుస్సుమనుచుండెడు దుర్జనపన్నగంబు ని ద్ధారుణి రెండునాలుకలు దార్కొను నెమ్మొగముల్ ధరింపుచున్.

⁠ 44

క.⁠

బుసకొట్టుటచే నెగసిన విసపుపొగ న్నల్లనైన వెడమోములచే గసరెడి పాముల పొందులె పొసఁగున్ దుర్జనులతోడి పొందులకంటెన్॥.

⁠ 45