పుట:ఆంధ్రకామందకము (జక్కరాజు వేంకటకవి).pdf/36

⁠

వీనికిఁ బ్రయోజనంబులు గలుగుటంజేసి యాన్వీక్షకీత్రయీవార్తా దండనీతు లనం గలుగు నాలుగువిద్యలు ననునది యీ కామందుక మతంబునకు సమ్మతంబు.

⁠ 4

సీ.⁠

అన్వీక్షకీవిద్యయం దెఱుంగగఁ దగు            నాత్మస్వరూప మాద్యంతముగను ధర్మస్వరూపం బధర్మస్వరూపంబు            నల త్రయీవిద్యయం దమరుచుండు నర్థంబుతెఱఁగు దురర్థంబుతెఱఁగును           వార్తచేఁ దెలియంగవలయు నెపుడు మఱి దండనీతియం దెఱుఁగంగవలయును           నీతివిద్యలును దుర్నీతివిధము

⁠

గీ.⁠

దండనీతిని బాయుచోఁ దక్కినట్టి విద్య లవి మూఁడు మంచివై వెలసియుండి యైన విఫలంబులగు లేనియటుల దండ నీతి నొందిన విభున కిన్నియు ఫలించు.

⁠ 5

క.⁠

జనవిభుఁడు దండనీతిన్ దనరినఁ బద నెఱుఁగువారు దక్కినవా రె ల్లను జదువుచుండ్రు విద్యల ననిశం బాసక్తి మించ నంచితమతులై.

⁠ 6

వర్ణాశ్రమ వ్యవస్థ

గీ.⁠

ధరణి వర్ణాశ్రమముల కాధారమైన యట్టివిద్యల రక్షించునట్టి యధిపుఁ డఖిలవర్ణాశ్రమములవా రాచరించు పుణ్య మాఱవపాలు దాఁ బొరయు నండ్రు.

⁠ 7