ఇంద్రియనిగ్రహము లేనివానికి ఫలము
| క. |
లీలఁ దనమనసుఁ గెలువం
గా లేని మహీవిభుండు గడు శౌర్యముచే
వేలావలయితధరణీ
పాలుర నేరీతి గెలుచుఁ బ్రాభవ మెసగన్.
| 38
|
| క. |
హరియింపుచుఁ జేతలతుద
విరసములై యుండునట్టి విషయంబులచే
నరపతి బోధితుఁడై తాఁ
గరికరణిం గట్టుపడుచు గాసిం బడడే.
| 39
|
| క. |
వినుటయుఁ గనుటయు వాసనఁ
గొనుటయుఁ జవిఁగొనుట యంటికొనుటయు నీ యై
దును దా మొకటొకటియ ప్రా
ణిని జెఱుపఁగఁ జాలు ధారుణీస్థలియందున్.
| 40
|
| సీ. |
కసవులు దిని శుద్ధి గని దవ్వుగా దాఁటు
లేళ్ళు ఘంటలమ్రోఁతవల్లఁ జెడుట
దరువులఁ బెకలించు గిరివంటి కరి పెంటి
ముట్టుచే మ్రాఁకునఁ గట్టుపడుట
దీప్తమై కనుపట్టు దీపంబుఁ గనువేడ్క
మిడుతలు దానిపైఁ బడి మడియుట
కనరాకఁ గడు లోఁతుఁగల నీట నుండు మ
త్స్యంబు గాలపుటెర చనిఁ బొలియుట
|
|
| గీ. |
మదముఁ గ్రోలంగఁబోయి బెట్టిదము లగుచు
నడరు గజముల చెవులతాఁకుడులచేతఁ
|
|
