పుట:ఆంధ్రకామందకము (జక్కరాజు వేంకటకవి).pdf/220

వ.⁠

ఇట్టినాలుగుదెఱంగుల భేద్యు లెట్టివా రన్నను విభునిచేత జీతంబులు చెందని లుబ్ధుండును, నవమానంబు చెందిన యభిమానియు, వెఱపింపఁబడిన భీతుండును, గోపింపఁబడిన కృద్ధుండును, ననంబరగుచుండుదురు. తత్ప్రకారంబు గ్రమంబున వివరించెద.

⁠ 139

సీ.⁠

అళుకులఁ బెట్టింప నరుగుచుండెడివాఁడు            మిగులంగఁ బేదయై నొగులువాఁడు పతిచేతఁ జెఱుపఁగాఁబడిన ధర్మంబును            గామంబు నర్థంబు గలుగువాఁడు వెలుపట రొక్కంబు గలిగినవాఁడును            నధికభోగముఁ గోరునట్టివాఁడు వసుధ నెంచఁగ లుబ్ధవర్గమై దనరుదు            రిట్టివారల మార్గ మెల్ల నెఱిఁగి

⁠

గీ.⁠

యర్థములయందు మిగులఁగ నాశఁ గొల్పి మఱియు నందుకుఁ దగినట్టి మాట లాడి భేద మొందించవలయును బెంపుఁ జూపి నీతిమార్గం బెఱింగిననృపవరుండు.

⁠ 140

వ.⁠

అభిమానిప్రకారంబు.

⁠ 141

సీ.⁠

కలహంబుపైఁ గాంక్ష గలిగియుండెడువాఁడు             సాహసవృత్తి నెసంగువాఁడు ధనముచేఁ గులముచేఁ దనకు నీడైనవాఁ             డెంచ లేఁడంచు గర్వించువాఁడు పూజార్హుఁడై యుండి పూజ నొందనివాఁడు             నేపాటిమాపైన నెడయువాఁడు సరిగానివానితో సాటిచేసినఁ గోప             మంది సమర్ధుఁడైనట్టివాఁడు

⁠