పుట:ఆంధ్రకామందకము (జక్కరాజు వేంకటకవి).pdf/202

⁠

చ్చరికెలఁ జుట్టియుండగ నిశాసమయంబుల యోగనిద్రలం బొరయుచు నుండగాఁ దగును భూపతి యెందును జాగరూకుఁడై.

⁠ 50

చ.⁠

కలయఁగఁ జాలి రొప్పు కరిఘంటల గల్గు ఘణంఘణధ్వనుల్ మెలఁకువఁ జెంది గుఱ్ఱముల మించిన హేషితభాంకృతిధ్వనుల్ నిలుకడఁగాంచు యోధతతి నిశ్చలవాక్యడిమండిమధ్వనుల్ నెలకొని వీనులంటఁ బతి నిద్దురసందున మెల్కువై తగున్.

⁠ 51

క.⁠

నిదురతఱి నప్పటప్పటి కది యెవ్వఁడు మేలుకన్న యతఁడని పతి దా సదయుఁడయి యాదరింపుచుఁ బదిలంబని యెచ్చరించి పలుకఁగవలయున్.

⁠ 52

వ.⁠

అంత.

⁠ 53

దండయాత్రాసమయముల రాజవైఖరి

చ.⁠

తెలతెల వేగ లేచి నరదేవశిఖామణి నామతీర్థమై కల కులదైవముం గొలిచి ఘమ్మను కస్తురితావి ఠీవితోఁ దళుకుదళుక్కున న్మినుకు దార్కొను రత్నవిభూషణాళితోఁ గొలువుకు వచ్చుటొప్పు నిరుగోపులగట్టినవా రహో యనన్.

⁠ 54

సీ.⁠

శ్రీమంతులై మించు సామంతు లొకవంక            నుచితమంత్రులు మంత్రు లొక్కవంక హితచర్యులగు పురోహితవర్యు లొకవంక            నుదిత సత్యు లమాత్యు లొక్కవంక ఫలదాయులై నట్టి దళవాయు లొకవంక            నుక్కు నిక్కిన శూరు లొక్కవంక నధికారుల జయించు నధికారు లొకవంక            నుచితమిత్రుల మిత్రు లొక్కవంక

⁠