పుట:ఆంధ్రకామందకము (జక్కరాజు వేంకటకవి).pdf/200

క.⁠

ఈరీతి నీతియుతుఁడై భూరమణవరుండు దండు పోయినయేనిన్ సారోదారతఁ బారా వారావృతమైన ధరణివలయం బేలున్.

⁠ 40

దండయాత్రాకాలదేశాదులు

చ.⁠

జలములు మబ్బుగల్గుతఱి సామజపంఙ్క్తికి దండు పోఁదగున్ జలములు మబ్బులేనితఱి సైంధవరాజికి దండు పోఁదగున్ వెలువని జళ్ళు మంచుఁ గడువెట్టయు లేక చెలంగ నామనిం గలయగ సర్వసైన్యములు గైకొని భూపతి దండు పోఁదగున్.

⁠ 41

గీ.⁠

గూబ రాతిరిఁ గాకులఁ గొట్టి నొంచు కాకి పగలైన గూబల గడిమిఁ జించుఁ గాన వేళ విచారించి కదలవలయుఁ గాల మెఱుఁగుచుఁ గదలినఁ గలుగు జయము.

⁠ 42

ఆ. వె.⁠

కుక్కచేత మొసలి చిక్కును దరియందుఁ గుక్క మొసలిచేతఁ జిక్కు నీట నటులఁగానఁ దనకు ననువైన చో టొంది చెలఁగు రాజు కార్యసిద్ధిఁ జెందు.

⁠ 43

సీ.⁠

సమములై కనుపట్టు చదురపునేలల            నశ్వముల్ మున్నుగా నరుగవలయు మిట్టలు గుట్టలు గట్టులు నై నచో            నేనుఁగుల్ మున్నుగా నేఁగవలయుఁ బొదలును మ్రాఁకులుఁ బొదలెడిచోటులఁ            గాలాళి మున్నుగాఁ గదలవలయు జలములు లోఁతుగాఁ గలిగినచోటులఁ            దగిన యోడలమీఁద దాఁటవలయుఁ

⁠