పుట:ఆంధ్రకామందకము (జక్కరాజు వేంకటకవి).pdf/185

⁠

దబ్బఱ లాడుట ధర్మముల్ చెడుటయుఁ              జేయంగఁ దగుపనుల్ సేయలేమి యతిలోభ మందుట యార్యుల విడచుట              దుర్జనసంగతి దొరకుటయును

⁠

గీ.⁠

జేటునకుఁ గారణంబులు చేకురుటయు వైరములు చెందుటయు సిగ్గు వదలుటయును మొదలుగాఁ గల్గు బహుదోషములను జెందు హాళి జూదంబు లాడెడి యాతతాయి.

⁠ 113

సీ.⁠

కల యర్థములమీఁదఁ గాంక్షలు లేకుండు             టర్థంబు లేనిచో నాశపడుట సంతోషమును మనస్తాపంబుఁ జలమును             గడుఁ బ్రతిక్షణమందుఁ గలుగుటయును జలకంబు మొదలుగాఁ గలిగిన దేహర             క్షణములయందు భోగములయందు నాదర మించుకయైన లేకుండుట             మెలఁగకుండుటచేతఁ గలిగినట్టి

⁠

గీ.⁠

దుర్బలత్వంబుచేఁ జాలఁ దూలుటయును మంచిశాస్త్రార్థముల నుపేక్షించుటయును మొదలుగాఁ గల్గు బహుదోషములను జెందు హాళి జూదంబు లాడెడి యాతతాయి.

⁠ 114

క.⁠

మలమూత్రనిరోధంబులఁ గల పీడలు దప్పికొనుటఁ గల పీడలు నాఁ కలిఁ గొనుటవలనఁ బొడమెడి యలమటలుం జూదమాడు నతనికిఁ జెందున్.

⁠ 115