పుట:ఆంధ్రకామందకము (జక్కరాజు వేంకటకవి).pdf/179

క.⁠

ఇల జనులకుఁ బరుసనగాఁ బలుకుచు వెఱపింపవలదు పతి తియ్యనిప ల్కులె పలుకవలయు నటులం బలికినచోఁ బేదనైనఁ బ్రజ సేవించున్.

⁠ 85

క.⁠

జగతిన్ దుర్జనసాధక మగు నాజ్ఞయె దండ మనఁగ నగు దండంబున్ దగినయెడఁ జేయఁగాఁ దగుఁ దగుదండము సేయఁ బతిని ధర నుతియించున్.

⁠ 86

మ.⁠

తెలియ న్వెక్కసమైన యాజ్ఞగల ధాత్రీపాలుఁ డెందుం బ్రజన్ దలఁకంజేయుఁ, దలంకుచుండు ప్రజ సంతాపంబుతో వైరులం గలయుం, దత్ప్రజ గూడమించుసరి సంఘం బందుచేతన్‌ క్షయం బలరుం గావున భూప్రజం దలఁకఁ జేయంగాదు భూజానికిన్.

⁠ 87

క.⁠

ప్రజలను వారించిన భూ భుజుఁడు కడుం బ్రబలుచుండు భువి నెల్లపుడున్ ప్రజలు చెడఁ బతియుఁ జెడు నా ప్రజలు కడుం బ్రబలఁ బతియుఁ బ్రబలుచు నుండున్.

⁠ 88

క.⁠

ఎంతటి యపరాధుల ప్రా ణాంతకమగు నాజ్ఞ సేయు టనుచితమగు భూ కాంతుఁడు రాజ్యముఁ జెఱచిన హంతనె దండింపఁదగు నయస్థితి మెఱయన్.

⁠ 89

వ.⁠

అర్ధదూషణము.

⁠ 90

క.⁠

చెఱుపంగఁ దగినవారలఁ జెఱిపెదనని కినుకఁ బ్రియముచేసిన నది తా ధర నర్ధదూషణం బనఁ బరగున్ నీతిజ్ఞులైన ప్రాజ్ఞులచేతన్.

⁠ 91