పుట:ఆంధ్రకామందకము (జక్కరాజు వేంకటకవి).pdf/173

⁠

మూలంబును, నభృతంబును, బరిశ్రాంతంబును, నవాగతంబును, బ్రతిహతంబును, స్వవిక్షిప్తంబును, గ్రుద్ధమూలంబును, సవృత సంప్రాప్తియు, గళత్రగర్భంబును, నాశానిర్వేదియు, దూష్య యుక్తంబు నన నివి ముప్పదినాలుగుతెఱంగులై యుండు నందు వ్యసనంబులు పరిహరింపరానివి యిరువదియొక్కటియును, వ్యసనంబులు పరిహరించవచ్చునవి పదమూడునుం గలవు. తత్ప్రకారంబు వివరించెద.

⁠ 61

పరిక్షిప్తాది బలలక్షణము

సీ.⁠

అరి చుట్టుముట్టిన నటుత్రోవఁగానక             చిక్కియుండినఁ బరిక్షిప్తబలము జనపతిచేఁ దిరస్కారంబు గడుఁజెంది             మదిరోష మంద విమానితంబు నతిరోగములచేత నలసి యేపనులకు             నసమర్థమైనచో వ్యాధితంబు నతిదూరగతిచేత మృతిఁజెందుగతి నా            థావళి విడుచు దురాగతంబు

⁠

గీ.⁠

గుఱ్ఱములు శూరులును మును గూలిపోవ క్షీణమైయుండు నల పరిక్షీణబలము వ్యసనమును జెంది ముడుఁగుచున్నట్టికతనఁ బతికినప్పటి కని సేయఁ బనికిరాదు.

⁠ 62

సీ.⁠

అని సేయ నిట్టట్టు చనరాక యిఱుకున            మెలఁగఁ గూడని యభూయిష్ఠబలము బహుదేశముల కడపటనుండి వేళకుఁ            జేరనేరని యవిక్షిప్తబలము

⁠