పుట:ఆంధ్రకామందకము (జక్కరాజు వేంకటకవి).pdf/169

వ.⁠

మిత్రప్రయోజనము.

⁠ 36

సుహృచ్చర్య

సీ.⁠

పగవారలను మట్టుపడియుండఁ జేయుట             మంచిమిత్రులఁ బ్రబలించుటయును భండారములచేత బలములచేతను             క్షితిచేతఁ బ్రాణంబుచేతనైన నిల నుపకారములే చాలఁ జేయుట             మిగులనెయ్యంబుతో మించుటయును గణుతింపఁ బ్రత్యుపకారంబుఁ గోరక             మంచికార్యములు సాధించుకొనుట

⁠

గీ.⁠

యాపదలయందు మిగుల సహాయుఁడగుట సంపదలు చెందియుండిన సంతసిలుట యరయ మిత్రుని పనులండ్రు ధరణినాథుఁ డిట్టి రాజ్యాంగముల పనులెఱుఁగవలయు.

⁠ 37

వ.⁠

వ్యసనములకు.

⁠ 38

ప్రకృతవ్యసనములు

ఆ.⁠

ఎందుచేత శుభము లెప్పుడు చెడిపోవు నదియ తలఁప వ్యసన మనఁగఁ బరగు వ్యసనియైనవాఁడు వెస నధోగతిఁ బడు నటులఁగాన వ్యసన మడఁప వలయు.

⁠ 39

క.⁠

దైవంబును మానుషమును దైవము మానుషము రెండు దగులుటచే సం భావితమగు వ్యసనము తా భూవరుఁ డిది మాన్చి దండు పోవఁగ వలయున్.

⁠ 40