ఈ పుట అచ్చుదిద్దబడ్డది
శ్రీరస్తు
అహల్యాసంక్రందనము
తృతీయాశ్వాసము
శ్రీతరుణీనయనోత్పల
శీతమయూఖాభిరామ శ్రితజనవాంఛా
జాతప్రతిపాదన చణ
చేతోవ్యాపారనిరతి శ్రీరంగపతీ!1
వ. అవధరింపుము.2
క. శ్రీయుతుఁడగు జనమేజయుఁ
డాయతమతి నవలికథల నడిగిన మదికిన్
హాయి దలిర్పఁగ వైశం
పాయనుఁ డిట్లనియె లోకపావనచరితన్.3
క. ఇటులుండ నొక్కనాఁ డా
కుటిలాలక కడకు వచ్చెఁ గొంకక ఘటనా
ఘటనాకోవిదమతి యగు
జటినీమణి యోర్తు లలితసత్వరగతియై.4
