ద్వితీయాశ్వాసము
51
సీ. అందముల్ త్రిభువనానందముల్ స్మరమూల
కందముల్ సరసమాకందము లివె
తుంగముల్ పుషితసారంగముల్ వాసనా
రంగముల్ లలితనారంగము లివె
చారువుల్ నవకేసరోరువుల్ [1]భాజిత
మేరువుల్ వికసన్నమేరువు లివె
సైకముల్ మధురసానేకముల్ కృతజనా
శోకముల్ పుష్పితాశోకము లివె
తే. పొగడ నెగడిన మొగడల పొగడ లివియె
తుంటవిలుదంట నంటుల నంటు లివియె
కొమ్మచనుగుమ్మ యొమ్ముల నిమ్మ లివియె
కలికి! యీతోఁట చిగురువిల్కానికోట.94
ఉ. బాల నిజంబు నీపలుకు భాసిలుకొమ్మలు కొత్తడంబులున్
రాలు రజంబు మందు బలునారికెడంబులపాళెలు ఫిరం
గీ లలపండ్లు గుండ్లు నళికీరచకోరమయూరపాలి యు
త్కూలబలంబు నై న మరుకోటయె యీయెలదోఁట చూడఁగన్.95
చ. తెలివిరిపొన్నగిన్నియల తేనియమద్యము లాని సొక్కులన్
గులుకుచు మొగ్గచంటిలతకూనలమోవుల నొక్కి ముద్దుకో
యిలపలుకుల్ చెలంగ నల యింతుల పయ్యెద లొయ్యఁదీయుచున్
దిలకపుఁ దావు లంటుచును ద్రిమ్మరి తెమ్మెర గ్రమ్ముఁ గొమ్మరో!96
చ. కుసుమసమూహవాసనలఁ గుల్కెడు నీ లతకూనయొక్క తా
పసతరుఁ జేరవచ్చె నదె పద్మదళాయతనేత్రి, కంటివా
కుసుమసమూహవాసనలఁ గుల్కెడు నీలతకూనయొక్క తా
పసతరుఁ జేరి యుండుటిది పద్మజు నానతిఁ గాదె కోమలీ!97
- ↑ భాసిత
