ద్వితీయాశ్వాసము
47
సీ. సిబ్బెంపుగుబ్బలం జెనకనీయని సిగ్గు
చెనకినఁ బులక లెంచించు తమియు
కొమరైన వాతెరఁ గ్రోలనీయని లజ్జఁ
గ్రోలినచో మరుల్ గొలుపు వలపు
నెఱికొప్పు కెంగేల నిమురనీయనినాన
నిమిరిన వలపున నిలుచు ప్రేమ
బిగిపోకముడి నంట విడువనీయని వ్రీడ
యెనసిన [1]విడువక మనెడు తమక
తే. మెదను సమముగఁ బెనఁగొన హృద్యమైన
మధ్యమవయస్సుముద్దుగుమ్మయును నేను
నందనోద్యానవనసీమలందుఁ గూడి
పొందికలచేత నానంద మొందు టెపుడొ?79
చ. పలుకులలోనఁ బిక్కు లొకపానుపునన్ బొలయల్కచిక్కులున్
కలఁకలు దీఱు మ్రొక్కులును గాటపుఁగౌఁగిటిలోన సొక్కు ల
గ్గలమగు మోవినొక్కులును గామునిసాములనేర్పుటెక్కులున్
గల యల నిండుజవ్వనపుఁ గన్నియమిన్నను బొందు టెన్నఁడో?80
చ. కలఁగి చలించు ముంగురులు కర్ణములన్ నటియించు కమ్మలున్
చిలికెడు చిన్నిక్రొంజెమట చెక్కుల నించుక జరు కొంచెపున్
తిలకము నొప్పఁ బౌరుషరతిశ్రమతాంతవిలోలనేత్ర యా
కలికిమొగంబు నెన్నఁటికిఁ గన్నులపండువు గాఁగఁ జూతునో?81
ఉ. ఇంకొకసారి పోయి హరిణేక్షణ నిమ్మని వేడుకొందునో
పంకజగర్భు నాతఁడు కృపారహితాత్మత నీయకుండెనా
కొంకు దొఱంగి జంగ యిడి క్రూరుఁడు మారుఁడు లీల బాలచూ
తాంకురసాయకానలశిఖావళికిన్ శలభంబుఁ జేయఁడే?82
ఉ. ఆసరసీరుహాక్షిపయి నాసల సాసరివారు నవ్వ ను
ద్వాసితధైర్యతన్ విసివి వాసనవింటివజీరునమ్ములన్
- ↑ విడువకు మనెడు
