ఈ పుట అచ్చుదిద్దబడ్డది
శ్రీరస్తు
అహల్యాసంక్రందనము
ద్వితీయాశ్వాసము
శ్రీకనకవిమానాంతర
కాకోదరరాజతల్ప కలితాపేక్షా
శ్రీకనకాంగీప్రేమ ధు
రాకలితవిశాలవక్ష రంగాధ్యక్షా!
వ. అవధరింపుము.2
క. ఆయెడ నవ్వలికథ సౌ
ఖ్యాయతి జనమేజయుండు కరుణింపుమనన్
ధీయుతవర్యుఁడు వైశం
పాయనుఁ డిట్లనుచుఁ బలికెఁ బరమప్రీతిన్.3
ఉ. ఆమెయిఁ జిన్నినవ్వు వదనాబ్జనివాసినియైన చానకున్
గోమలకాంతి వింతమెఱుఁగుల్ ఘటియింప విరించి యిట్లనున్
″సేమమె నీకు సర్వసురశేఖర! భద్రమె దేవకోటికిన్,
ధీమహితుల్ మునుల్ సఖులె, నీ విటువచ్చిన దేమి?" నావుడున్.4
