28
అహల్యాసంక్రందనము
చ. అల వినువాక కుందనపుటందపుఁదామరతావిఁ గుల్కుచున్
సొలయు మరుత్కుమారకులు సొంపుమెయిన్ వెనువెంట నంటఁగా
నలకలు వీడఁ గౌను లసియాడ సురాంగన లేగుదెంచి రు
త్పలశరుఁ డూర్ధ్వలోకములపై నిగుడించిన యమ్ములో యనన్.122
క. నగరిపుఁ డివ్విధమునఁ జని
నగరీతివిశాలసాలనయనోత్సవదన్
ప్రగుణితనవరత్నధగ
ద్ధగితన్ వాగ్జాని రాజధానిం గనియెన్.123
సీ. ఏప్రోలు వాణీవరేధితాశోకంబు
శోకంబు మోదంబు సుడియ దెందు
ఏపురి రవికోటిఘృణియుతాభోగంబు
భోగంబు మోక్షంబు పొసఁగు నెందు
ఏపురం బంబరశ్రీపరమాకల్ప
మాకల్పము వసింతు రార్యు లెందు
ఏపూర్మతల్లి యహీనతరానంద
రానందదఘకర్మరతుల కెందు
తే. సంతతవసంతసరసరసాలసాల
ఫలరసాలోలకీరాదిపత్త్రి జాల
గదితఋగ్యజుషంబు నిష్కల్మషంబు
నగుచు నవ్వీడు జోడులే కలరు నెపుడు.124
చ. వరజగదండభిత్తికల వన్నియకోట బహిస్థితాంబువుల్
పరిఘ లతఃపరప్రకృతిఁ బాదమహావనదుర్గమై తగన్
కరమరుదారు నేపురము కామరుషాపరుషారికోటులన్
దరియఁగనీయ దన్నలువ నాల్గుమొగాలఁ బరామృశింపఁగన్.125
శా. ఆలోకంబునఁ గోటిసూర్యనిభదివ్యాస్థానమధ్యంబునన్
శ్రీలింపొందు చిరత్నరత్నవిలసిత్సింహాసనాగ్రంబునన్
