ఈ పుట అచ్చుదిద్దబడ్డది
90
అహల్యాసంక్రందనము
ఉ. అంతటఁ బ్రేమ గౌతముఁ డహల్యయు నుల్లము లుల్లసిల్లఁగాఁ
జింతలు దీఱ నొండొరులు జిత్తజుకేళికళావిలాసముల్
వింతలుగా ఘటించుచును వేడుకతోడుతఁ గూడియుండి యిం
తంతనరాని సౌఖ్యముల నందిరి ముచ్చటమీఱ నెప్పుడున్.145
క. ఈకథఁ జదివిన వినినన్
బ్రాకటముగ వ్రాయఁగనిన బహుసంపదలన్
గైకొను మనుచున్ వారికి
శ్రీకరుఁడగు రంగవిభుఁడు ప్రేమ నొసంగున్.146
