80
అహల్యాసంక్రందనము
యెపు డభ్యసించితే యిందుబింబానన,
వివిధచుంబనకళావిభ్రమంబు
యెచ్చోట నేర్చితే యేణీవిలోచన,
నఖరాంకవిన్యాసనైపుణంబు
యేనాఁ డెఱింగితే చీనిచక్కెరబొమ్మ,
పంచబాణాహవప్రౌఢిమంబు
తే. మూలనున్నట్టి జడదారి ముద్దరాల
వెన్నిచిన్నెలు నేర్చితే యెమ్మెలాడి,
మేలు మే'లని కాంతుఁడు మెచ్చి పొగడ
వింతవింతగ మఱియును సంతసమున.109
సీ. వెనుదీయకుమటంచు వెడవిల్తుఁ డాడించు
జాటిపోలికఁ గీలుజడ చలింప
స్మరసంగరంబునఁ గురియు పూవులవాన
తెఱఁగున సరులముత్తెములు రాల
మరుఁడను జగజెట్టి బిరుదువీణెలమాడ్కి
గళరవంబున జమత్కార మెసఁగఁ
జిత్తజరాజ్యాభిషేకాంబువులమాడ్కి
జల్లుగాఁ జెమటచిత్తళ్ళు గురియ
తే. మదనపరదేవతాధ్యానమహితనిష్ఠఁ
బోలి యఱమోడ్పుఁగనుదోయి పొలువు మీఱ
నంబుజేక్షణ పురుషాయితంబు సలిపె
నెలమి నమరావతీంద్రు దేవేంద్రుఁ గూడి.110
వ. అప్పుడు.111
ఉ. భావము లొక్కటయ్యెను బ్రపంచ మొకించుక తోఁచదాయె నే
నీ వను భేదమున్ జనె యనిర్వచనీయ మఖండ మాత్మసా
