30
అష్టాంగయోగసారము
మధ్యలక్ష్యము
గీ. కంటిపాపల రెంటిని గదలనీక
మానసముతోడ భ్రూయుగమధ్యమందుఁ
జొనిపి తన్మధ్యమున నుండు సూక్ష్మబిలము
లోఁ బ్రవేశించి చూడ నాలోన నపుడు.
క. మెరుపులు నక్షత్రంబులు
తరణి శశి ప్రభలు భూతతతి వర్ణములున్
కరువలి నెనయుచు లోపల
పరిపరి విధములుగ మెరయు భావములోనన్.
వ. మఱియు నిరవధికశూన్యంబగు నాకాశంబును గాఢాంధకారంబైన మహాకాశంబును, కాలాగ్నినిభంబైన పరాకాశంబును, నధికప్రకాశంబైన తత్త్వాకాశంబును, కోటిభానుసంకాశంబైన సూర్యాకాశంబు నగు నియ్యాకాశపంచకం బనిశం బవలోకించు నతండు తన్మయుండై నిరవకాశాకాశసదృశుం డగు, నిది మధ్యలక్ష్యంబగు, నింక నంతర్లక్ష్యం బెట్లనిన,
అంతర్లక్ష్యము
క. ఆపావకచంద్రార్క
వ్యాపకమై పంచభూతవర్ణకలితమై
యాపోజ్యోతిరసం బిట
రూపాశ్రయ మగుచు నుండు రూఢప్రజ్ఞన్.
క. చక్షుర్మధ్యంబుల పర
మాక్షరహైరణ్యసచ్చిదమృతాంకురముల్
సాక్షిగ బాహ్యాంతరముల
నీక్షింపుచు నిత్యసుఖము నెనయుచు నుండున్.
