పుట:అనుభవసారము (పాల్కుఱికి సోమనాథుడు).PDF/47

54

అనుభవసారము

ఉ.⁠

పొచ్చెము లేక రిత్త వెడపొల్లులు పూనక కార్య మెయ్యెడన్ [1]గ్రుచ్చఁ దలంప కేమియును గోరక యెల్లెడ లోభి గాక ము న్నిచ్చియు నిప్పు డిత్తు నన కిబ్బడివాదము లేక యెమ్మెయిన్ సచ్చరితుండు గావలదె సజ్జనభక్తుఁడు జంగమాశ్రితా!

⁠ 210

చ.⁠

మనము మనంబులోఁ గలిసి మాటలు మాటలు సొచ్చి యర్థముం దనరఁ దదర్థ మై సమసి తథ్యముగాఁ దను వెన్నిభంగులన్ దనువున కొడ్డి వారిప్రమదంబును వారలదుఃఖవృత్తియుం దనయవి గాఁ దలంచు మదిఁ దప్పక జంగమభక్తుఁ డేనియున్.

⁠ 211

క.⁠

క్రియగొన భక్తుం డై బం టయి బానిస యై నిజాప్తుఁ డై [2]యెన్నఁగఁ బెం టయి తుడువఁగఁ జీపురుఁ దా నయి జంగమభక్తి సేయునతఁ డీశుఁ డిలన్.

⁠ 212

క.⁠

ఉపజీవికత్వమతియును జపలత్వము నాస్తికతయు సందేహంబుం గపటంబుఁ గంటకంబును నుపమింపఁగ సహజభక్తియుక్తికిఁ గలదే?

⁠ 213

క.⁠

నయమును బ్రియమును నధికవి నయమును బాయనిభయంబు నమ్మికయును ని ర్ణయమును నిర్వంచకతయుఁ గ్రియగొనఁగా సహజభక్తికిని హేతు వగున్.

⁠ 214

1. గుచ్చ
2. యెక్కగ