నవమాశ్వాసము
239
వీనికి విలోచనగోచరంబు సేసి దీని మగుడ సొక్కించి వీని
నెత్తుకొనిపోయి.26
శా.ఆయుగ్రాటవియంద పెట్టి నిజవృత్తాంతం బెఱింగింపఁగా
నీయబ్జాననఁ దాన పొందు గొని వీఁ డెబ్భంగి నైనన్ సుఖ
శ్రీయుక్తిన్ విహరించుఁగాక యని యర్థిం దత్క్రమం బెల్లఁ జి
త్తాయత్తంబుగఁ జేసి యియ్యెడ కనాయాసంబునం దెచ్చితిన్.27
ఉ. నీ విట యప్రమత్తమతి నెమ్మిఁ దలోదరిఁ బొంది సౌఖ్యల
క్ష్మీవిభవంబు నొందు మని చెప్పి పతిం గలయంగఁ బోయెఁ దా
రావళి యేను నెంతయుఁ బ్రియంబునఁ బొంగి మనంబులోన రా
జీవదళాక్షి నిల్పుకొని చెచ్చెర నప్పురి కేగు నయ్యెడన్.28
క. నడుమ నొకబోయపల్లెం
గడువేడుకఁ గోడిపోరు గనుఁగొనియెడు నాసం
దడి దరియఁ జొచ్చి కోళుల
నెడమడువుగ విడుచుచున్నయెడ ని ట్లంటిన్.29
క. చరణములు నేత్రములుఁ గడు
నరుణము లారెలును ముక్కు నాయతములు కం
ధరములు దొడలును సన్నము
లరయఁగ బకజాతి కది భయంపడుఁ బోరన్.30
క. ఆరెలు వలములుఁ దొడలును
దోరము బలుమెడయుఁ జుట్టు దుండముఁ గుఱుచల్
బీరంబునుఁ నురమును వి
స్తారి యగు న్నారికేళజాతికి నెందున్.31
