పాడుతా తియ్యగా
ఈ పాట ఆచార్య ఆత్రేయ రచన:
ప|| పాడుతా తియ్యగా చల్లగా (2)
పసిపాపలా నిదురపో తల్లిగా, బంగారు తల్లిగా || పాడుతా ||
చ|| కునుకుపడితె మనసు కాస్త కుదుట పడతది
కుదుటపడ్డ మనసు తీపికలలు కంటది | కునుకు |
కలలె మనకు మిగిలిపోవు కలిమి చివరకు | కలలె |
ఆ కలిమి కూడ దోచుకులే దొరలు ఎందుకు? || పాడుతా ||
చ|| గుండెమంటలారిపే చన్నీళ్ళు కన్నీళ్ళు
ఉండవన్న ఉండవమ్మ శాన్నాళ్ళు | గుండె |
పోయినోళ్ళూ అందరూ మంచోళ్ళు | పోయి |
ఉన్నోళ్ళూ పోయినోళ్ళ తీపి గురుతులు || పాడుతా ||
చ|| మడిసిపోతె మాత్రమేమి మనసు ఉంటది
మనసుతోటి మనసెపుడో కలిసిపోతది | మడిసి |
చావుపుటుకలేనిదమ్మ నేస్తమన్నది | చావు |
జనమ జనమకది మరీ గట్టి పడతది || పాడుతా ||