తెలుగువీర లేవరా

పాట

తెలుగువీర లేవరా దీక్షబూని సాగరా

దేశమాత స్వేచ్ఛకోరి తిరుగుబాటు చేయరా ||| తెలుగువీర లేవరా |||

దారుణ మారణకాండకు తల్లడిల్లవద్దురా ||| దారుణ |||

నీతిలేని శాసనాలు నేటినుంచి రద్దురా ||| నీతిలేని |||

నిదురవద్దు బెదరవద్దు నింగి నీకు హద్దురా ||| నింగి నీకు ||| ||| తెలుగువీర లేవరా |||

ఎవడువాడు ఎచటివాడు ఇటువచ్చిన తెల్లవాడు ||| ఎవడువాడు |||

కండబలం, కొండఫలం కబళించే దుండగీడు

మానధనం, ప్రాణధనం దోచుకునే దొంగవాడు ||| ఎవడువాడు |||

తగినశాస్తి చేయరా తరిమి తరిమి కొట్టరా ||| తగినశాస్తి ||| ||| తెలుగువీర లేవరా |||

ఈ దేశం ఈ రాజ్యం నాదే అని చాటించి ||| ఈ దేశం |||

ప్రతి మనిషీ తొడలుగొట్టి, శృంఖలాలు పగులగొట్టి

చురకత్తులు పదునుబట్టి, తుదిసమరం మొదలుపెట్టి

సింహాలై గర్జించాలి సంహారం సాగించాలి వందేమాతరం ||| తెలుగువీర లేవరా |||