రేకు: 0260-01 భూపాళం సం: 03-343 వైరాగ్య చింత
| పల్లవి : |
వెఱ్ఱి దెలిసి జగము వెస రోఁకలి చుట్టేను
వొఱ్ఱె దేవతల వరాలొగి నెందు కెక్కునో
|
|
| చ. 1: |
తగిలి సంపదలచేఁ దనిసినవారు లేరు
అగపడి దైవమానుషాలందును
వొగరు సంసారభార మోపనన్నవారు లేరు
వగవఁగఁ జదువు లెవ్వరికిఁ జెప్పెనో
|
|
| చ. 2: |
జడిసి ఆయుష్యము చాలునన్నవారు లేరు
పొడమేటి పదునాల్గుభువనాలందు
తడవి తనముదిమి తా రోసేవాఁడు లేఁడు
యెడయని తపముల యెవ్వరి దెచ్చెనో (?)
|
|
| చ. 3: |
నడుమనే తిరిగాడీ నానాధర్మములు
పడనిపాట్ల నేము పడఁగాను
తడవి శ్రీవేంకటేశుదాసులు మమ్ముఁ గాచిరి
బడిబడి నిత్యకర్మఫలము లెన్నటికో
|
|
రేకు: 0260-02 రాయగౌళ సం: 03-344 శరణాగతి
| పల్లవి : |
ఇంతగాలమాయను యేడనున్నారో వీరు
వింతలై యడవిఁ గా సే వెన్నెలాయ బ్రదుకు
|
|
| చ. 1: |
యేలేవారి దూరితి యెడరు పుట్టినవేళ
కాలమును దూరితిని కలఁగేవేళ
తాలిమిలేని వేళ తగుఁగర్మము దూరితి
యేలాగని కాచేవారి నెవ్వరిఁ గానము
|
|
| చ. 2: |
దైవమును దూరితి తమకించినట్టివేళ
కావించి నన్నే దూరితిఁ గాఁగినవేళ
సోవగాఁ గోపపు వేళ చుట్టాల దూరితిమి
యీవలఁ దోడైనవారి నెవ్వరిఁ గానము
|
|
| చ. 3: |
పుట్టుగు దూరితిమి పోరానియట్టివేళ
కట్టఁగడ నెందువంకఁ గానమైతిమి
జట్టి శ్రీవేంకటేశుఁడు శరణంటేనే కాచె
యిట్టె యింతటివారు యెవ్వరును లేరు
|
|
రేకు: 0260-03 నాట సం: 03-345 అద్వైతము
| పల్లవి : |
తల మొలా నొక్కసరా తను వొక్కటౌఁగాక
కొలఁది యెరిఁగతనిఁ గొలువరో మీరు
|
|
| చ. 1: |
బొడ్డున బ్రహ్మఁ గనిన పురాణపురుషుఁడే
దొడ్డుఁ గాక ఆతని తోడివాఁడ (డా?]
వొడ్డిన కైలాసమే లేవు మాపతిఁ గడుపులో
వెడ్డువెట్టి పెంచేవాఁడు వీరితోవాఁడా
|
|
| చ. 2: |
చక్కని కన్నుల సూర్యచంద్రులుగాఁ గలవాఁడు
యెక్కుడుగా కిందరిలో నీడువెట్టేదా
అక్కర యీ దేవతల కాపద మానిపేవాఁడు
వెక్కసమే కాక యెంచ వీరిలోనే వొకఁడా
|
|
| చ. 3: |
అందరు నీతనియందే అయితే నౌదురుఁ గాక
యెందును శ్రీపతి తోడియీడువారా
కందువ శ్రీవేంకటాద్రి ఘనవరము లోసఁగె
దిందుపడ్డ లోకులకు ద్రిష్టమిదే కాదా
|
|
రేకు: 0260-04 పాడి సం: 03-346 అధ్యాత్మ
| పల్లవి : |
ఏమి చెప్పెడినో శాస్త్రరహస్యము యేమిచెప్పెడినొ వేదములు
తామసమై బహునాయకమాయను తత్త్య మెఱంగఁగఁ దరమేదయ్యా
|
|
| చ. 1: |
కొన్నిజంతువులు రోసిన హేయము కొన్నిజంతువుల కమృతము
కొన్ని జంతువుల దివములే రాత్రులు కొన్ని జంతువులకు
అన్నియు నిట్లనె వొక్కటొక్కటికి అన్యోన్య విరుద్ధములు
పన్నిన జీవుల కేకసమ్మతము భావించఁగ మరి ఇఁక నేదయ్యా
|
|
| చ. 2: |
కొందరు విడిచిన సంసారము మరికొందరికి నది భోగ్యంబు
కొందరి పునుకులు వూర్ధ్వలోకములు కొందరివునుకులు పాతాళంబు
అందరు నందరె వారివారి రుచు లివిగాదిది(వి?) యనరాదు
కందువ జీవులు విచారించేటి కార్యాకార్యము లిఁకనేదయ్యా
|
|
| చ. 3: |
కొంతభూమి నటు చీఁకటినిండినఁ గొంతభూమి వెన్నెల గాయు
కొంతట సురలును కొంతట నసురలు కోరికై కొనిరి జగమెల్లా
ఇంతట శ్రీవేంకటేశ్వర నీవే యిందరి యంతర్యామివి
చింతలు వాయవు యెవ్వరిమనసునఁ జేరి నీకు శరణంటేఁ గాని
|
|
రేకు: 0260-05 సామంతం సం: 03-347 మాయ
| పల్లవి : |
అణుమాత్రపు దేహినంతే నేను
ముణిఁగెద లేచెద ముందర గానను
|
|
| చ. 1: |
తగు సంసారపు తరఁగలు నీమాయ
నిగమముల యడవి నీమాయ
పగలునిద్రలు వుచ్చే భవములు నీమాయ
గగనపు నీమాయఁ గడవఁగ వశమా
|
|
| చ. 2: |
బయలువందిలి కర్మబంధములు నీమాయ
నియమపుఁ బెనుగాలి నీమాయ
క్రియ నిసుకపాఁతర కెల్లొత్తు నీమాయ
జయమంది వెడలఁగ జనులకు వశమా
|
|
| చ. 3: |
కులధనములతోఁ జిగురుఁగండె నీమాయ
నిలువు నివురగాయ (?) నీమాయ
యెలమితో శ్రీవేంకటేశ నీకు శరణని
గెలుచుటఁ గాక యిది గెలువఁగ వశమా
|
|
రేకు: 0260-06 బౌళి సం: 03-348 శరణాగతి
| పల్లవి : |
ఎన్నఁడుఁ దీరవు యీ పనులు
పన్నిన నీ మాయ బహుళంబాయ
|
|
| చ. 1: |
పెక్కు మతంబుల పెద్దలు నడచిరి
వొక్క సమ్మతై వొడఁబడరు
పెక్కుదేవతలు పేరు వాడెదరు
తక్కక ఘనులము తామేయనుచు
|
|
| చ. 1: |
పలికెటి చదువులు బహుమార్గంబులు
కలసి యేకవాక్యత గాదు
చ(ఛ?)లవాదంబులు జనులును మానరు
పలు తర్కంబులె పచరించేరు
|
|
| చ. 1: |
శరణాగతులకు శ్రీవేంకటేశ్వర
తిరముగ నీవే తీర్చితివి
పరమవైష్ణవులు పట్టిరి వ్రతము
యిరవుగ నాచార్యు లెరుఁగుదురు
|
|
