గ్రంథాలయ సర్వస్వము/సంపుటము 1/సంచిక 1/పుస్తకావాహన

by రాయప్రోలు_సుబ్బారావు

పుస్తకా వాహన

సీ.⁠

నిండాఱఁ బాఱు నఖండ గోదావరి దాగిన చాళుక్య నాగరికత, పాడైన పెనుకోటగోడల దీర్ఘని ద్రలువోవు కాకతి ప్రాభవమ్ము, పల్లెపదాల జీవమునిల్పి కొన్న ప ల్నాటివీరుల రక్తనాళ పటిమ, కడలేక యేళ్చు తుంగాభద్ర కెరటాల మణఁగిన పూజ్య సామ్రాజ్యభరము

⁠

తే.గీ.⁠

హృదయములువిన పలుకక చదువు జెప్పు పుస్తకతపస్విని తెలుంగు పూలపొదల నిలచి సేవాశుకమ్ములఁ బిలచిపిలచి స్థిరత పాడించుగాత జాతీయగీతి.

⁠

సీ.⁠

ఆచారమునకు దాస్యముఁ జేయుచునువంట యిల్లు దాటఁగ లేనియిందుముఖుల, ఉదయాస్తమయములు మెడలి చెమటఁ దీసి క్షేత్ర సేవలు జేయు సేద్యగాండ్ర, బ్రతికినన్నాళ్ళు తీఱనికస్తి, రెక్కలు విఱిచి జీవించెడు పేదజనుల, అక్షరపంక్తులె యరయ రాదనుచు, దు ర్గతులఁద్రోసిన చెప్పరానివాండ్ర,

⁠

తే.గీ.⁠

పూలతో నిండి కమ్మదనాలు చిమ్ము పుస్తకానికుంజ పుంజాళి పొంతఁబిలచి ‘నాజనము, నాదు దేశ' మనంగఁజాలు ఇంతజ్ఞాన భిక్షాదానమిమ్ము తల్లి!

⁠

సీ.⁠

ఆంధ్రులశిల్ప విన్యాసంబు చూపించు కలిమిగోపురములగలదటంచు, ఆంధ్రనాగరిక కళ్యాణచిహ్న ములైన గాన సాహిత్యముల్ గలవటంచు,

⁠

⁠

ఆంధ్రభాగ్యము మోయగ గౌతమీకృష్ణ దరులను నావలు దిరిగెననచు, ఆంధ్రవీరులకు స్వర్గాతిథ్యమిచ్చి పా టలుపాడిన యుగముకలదటంచు,

⁠

తే.గీ.⁠

చెప్పి యొప్పించు పుస్తక శ్రీకుమారి యందగింపఁగఁగల యాలయములుగట్టుఁ డాంధ్రదేశమునందెల్ల నాంధ్రపుత్రు లాప్తమానవసంఘ సేవానురక్తి.

⁠

రాయప్రోలు సుబ్బారావు.