గ్రంథాలయ సర్వస్వము/సంపుటము 1/సంచిక 1/గ్రంథాలయములు (పద్యములు)
గ్రంథాలయములు.
సీ. అఖిల కాలములఁ బ్రఖ్యాతిఁగన్న మహాత్మ, మంజులాలాప . సంపదయనంగ
సర్వదేశములఁ బ్రశస్తిఁజాటిన ధీర, శేముషీ విభవ వి.శేషమనఁ గ
కర్ణేంద్రియప్రీతిఁ♦ గావించు కవిరాజ, సత్కావ్యకల్పనా♦ సారమనఁగ
షట్ఛాస్త్రనిర్మాణ♦, చణమైన పండిత, ప్రజ్ఞాతిశయ విజృంభణమనంగ
గీ. రాశిఁ జేసిన జ్ఞాన సర్వస్వమనఁగ
జ్ఞాన సర్వస్వమనఁగ | ధర్మపుస్తక నిలయంబు♦ తనరుచుండు
నుచితగతి దాని నెవఁ♦ డుపయోగపరచు | నతఁడె వెల లేక విజ్ఞాన♦ మందువాఁడు
ఉ. బాలుర విద్యలన్ దనుపు♦ ప్రౌఢులకున్ ముదమున్ ఘటించు సు
శ్రీలఁ జెలంగు వారలకు♦ చెల్వొన గూర్చును కష్టజాలముల్
జాలఁగఁగూరియున్న తఱి♦ శాంతినెసంగి సతంబుమంచు; గ్రం
థాలయముల్ జగంబున♦ కనంతశుభోదయముల్ దలంపగన్.
సీ. అరువది నాల్గువిద్యలు ♦ నొక్కచో నేర్వఁ, దగు నిలయంబు గ్రంథాలయంబు
దరి లేని దుఃఖసా♦గరములనీదంగఁ, ధరణితుల్యంబు గ్రంథాలయంబు
బుద్ధిమదగ్రణుల్♦ పూర్వులొసంగిన, ధననిధానంబు గ్రం♦ థాలయంబు
అజ్ఞానతిమిర సం♦హారంబుగావించు, నర్క తేజంబు గ్రం♦ థాలయంబు
గీ. యశమె కాయంబుగాఁగల♦ ప్రాజ్ఞ సుకవి | బృందముల రూపములఁ బ్రదర్శించిజన
గరము సమ్ముదితాత్ములు♦ గానెు నర్చు| నట్టి సన్మందిరంబు గ్రంథాలయంబు.
ఉ. దీని నిజం బెఱింగి మన♦ దేశ మునంగల పట్టణంబులన్
జానపదంబులన్ సులభ♦ సాధ్యములై తగ గ్రంథమందిరాల్
మానుగనిల్పి సర్వజన♦ మండలి విద్యల నేర్వకున్న స
స్మాన మొనర్తురే మనల♦ నాగరికాగ్రణులంచు నన్యులున్.