కోడెకారు చిన్నవాడా
ముందడుగు (1958) సినిమా కోసం ఆచార్య ఆత్రేయ రచించిన లలితగీతం.
పల్లవి :
ఆమె : కోడెకారు చిన్నవాడా - వాడిపోనీ వన్నెగాడా || కోడెకారు ||
కోటలోన పాగావేశావా - చల్ పువ్వులరంగా
మాటతోనే మనసుదోచావా - చల్ పువ్వులగంగా
మాటతోనే మనసుదోచావా
అతడు : చింతపూలా రైకదానా - చిలిపిచూపుల చిన్నదానా || చింతపూలా ||
కోరికలతో కోటే కట్టావా - చల్ నవ్వులరాణి
దోరవలపుల దోచుకున్నావా - చల్ నవ్వులరాణి
దోరవలపుల దోచుకున్నావా
ఆమె : చెట్టుమీదా పిట్టవుంది - పిట్టనోటా పిలుపువుంది || చెట్టుమీదా ||
పులుపు ఎవరికో తెలుసుకున్నావా - చల్ పువ్వులరంగా
తెలుసుకుంటే కలిసి ఉంటావా - చల్ పువ్వులరంగా
తెలుసుకుంటే కలిసి ఉంటావా
అతడు : పిలువువిన్నా తెలుసుకున్నా - పిల్లదానా నమ్ముకున్నా || పిలుపువిన్నా ||
తెప్పలాగా తేలుతున్నానే - చల్ నవ్వులరాణి
నాకు జోడుగ నావ నడిపేవా - చల్ నవ్వులరాణి
నాకు జోడుగ నావ నడిపేవా
ఆమె : నేల వదిలి నీరు వదిలి - నేను నువ్వను తలపుమాని || నేల వదిలి ||
ఇద్దరొకటై ఎగిరిపోదామా - చల్ పువ్వులరంగా
గాలిదారుల తేలిపోదామా - చల్ పువ్వులరంగా
గాలిదారుల తేలిపోదామా
అతడు : ఆడదాని మాటవింటే - తేలిపోటం తేలికంటె || ఆడదాని ||
తేల్చి తేల్చి ముంచుతారంట - చల్ నవ్వులరాణి
మునుగుతుంటె నవ్వుతారంట - చల్ నవ్వులరాణి
మునుగుతుంటె నవ్వుతారంట