కాదంబరి
భాస్కరుని కేతన ప్రెగ్గడ
బాణుని కాదంబరికి ఇది అనువాదం. భాస్కరుని కేతన అని పేర్కొనబడిన ఈతడు తిక్కన పెదతండ్రియైన కేతన కావచ్చునని విమర్శకుల అభిప్రాయం.
| శా. |
గంధర్వాత్మజ రాజుఁ జూచెఁ బతియుం గాదంబరిం జూచె ద
ర్పాంధీభూతమనస్కుఁడై మరుఁడు విల్లందెన్ బ్రసూనోల్లస
ద్గంధం బొప్పఁగ [నెక్కు]వెట్టి గుణనాదం [1]బూని పుష్పాస్త్రముల్
సంధించెన్ దెగఁబాపి యేయఁదొడఁగెన్ సవ్యాపసవ్యంబుగన్.
|
|
| సీ. |
దీనిలోపలఁ గొన్ని దినము [2]లుండిన నుష్ణ
కరుఁడైన నట శీతకరుఁడు గాఁడె
దీని లోఁతెరిగినఁ దానంబురాశిలోఁ
గాదని జలశాయి గాఁపు రాఁడె
దీని తియ్యని నీరు దివిజులు [3]త్రావిన
తమ యమృతంబు చేఁదనుచు ననరె
దీని తోయంబులఁ దీర్థమాడిన [4]యంతఁ
బాపాత్ములును మోక్షపదవిఁ గనరె
|
|
| తే. |
యనుచుఁ గొలనినీటి యతిశీతలత్వంబుఁ
బఱపు పెంపుఁ దీపుఁ బావనతయు
మనుజనాయకుండు గొనియాడి పడివాగె
త్రాట హయముఁ దిగిచి తఱియఁ జొచ్చె.
|
|
| |
జనవరేణ్యు గాంచి సాష్టాంగ మెఱగిన
నా విభుండు వాని లేవనెత్తి
కౌగలించి వాని గనుగొని కేయూర
కాభిదాన మొసగె గౌతుకమున.
|
|
| శా. |
డాచే యంకతలంబు జేర్చి వలచేతన్ మాలికన్ దాల్చి
లోచెయ్వుల్ కొనసాగి పూవుపయి........తపోరాశినా
జూచెన్ దప్పక తత్క్షణంబున గడున్ శోభిల్లెనేమో మదిన్
సూచింపన్ కడగిట్టి పల్కుమెయి దా నాలించె.............
|
|
ఆనందరంగరాట్ఛందం 3.282 ఆంధ్ర ప్రయోగరత్నాకరం 14, సకలలక్షణసారసంగ్రహం 23
| సీ. |
ఆనక యమృతంబు దాఁ నిట్టి చవి యని
జనుల కేర్పఱుపఁగాఁ జాలువారు
చూడక మన్మధు సుందరాకారంబు
గరిమ చూపఁగఁ జాలు కడఁకవారు
వినయక పరతత్త్వవిపులనినాదంబు
వినుతింపఁ జాలెడు వెరవువారు
యంటక మెఱపుల యందంబు వ్రేగును
గణుతింపఁ జాలు ప్రఖ్యాతివారు
|
|
| గీ. |
కంపు గొనయక కల్పవృక్షముల పుష్ప
సౌరభం బిట్టిదని చెప్పఁ జాలువారు
నెందుఁ జూచిన ధాత్రిలో హృదయదృష్టి
గవులు గానని మర్మంబు గలదె జగతి.
|
|
కుమారసంభవ ప్రథమభాగానుబంధం
| సీ. |
కడువేఁడి పెల్లెండ పుడమి వ్రేల్చినప్రొద్దు
లాకాశగతియ మేలని తలంప
వాత్యాభిహతి లగ్గవాడి వియచ్చరు
లవనిపైఁ జనుట మేలని తలంప
వడవడఁగా నీళు లుడికిన జలచరుల్
వనచరవృత్తి మేలని తలంప
వనములఁ గార్చిచ్చుఁ దనరిన వనచరు
లంబుసంచరణ మేలని తలంప
|
|
| ఆ. |
వాఁడి యెండ గాసె వడిగొనె సురగాడ్పు
లెసఁగె వడయగాలి నెగసెఁ జాల
దావదహన మడరె జీవుల కధికసం
తాపకాల మగు నిదాఘవేళ.
|
|
కుమారసంభవ ప్రథమభాగానుబంధం
- ↑ బాని
- ↑ లూనిన
- ↑ త్రావి చూచినఁ దమయమృతంబు చేఁదునారె?
- ↑ నెంత
