ఇతరుల నడుగము యితఁడే మాదాత
ఇతరుల నడుగము యితఁడే మాదాత
యితని యీవి వొరు లియ్యఁగఁ గలరా
దేవదేవుఁడాదిమపురుషుఁడు హరి
శ్రీవత్సాంకుఁడు చిన్మయుఁడు
యీవల నావల యిలమేలు పతఁడు
బావజగురుఁడు మాపాలిటివాఁడు
జగదేకగురుఁడు శాశ్వతుఁడచ్యుతుఁ
డగజకు వరదుఁడు అనంతుఁడు
తగి మమునేలినదైవము యేలిక
నిగమమూర్తి మానిజబంధువుఁడు
కలిదోషహరుఁడు కైవల్యవిభుఁడు
అలరిన శ్రీవేంకటాధిపుఁడు
చలమి బలిమి మాజననియు జనకుఁడు
అలమి యితఁడు మాయంతర్యామి 3-526