ఇతరుల దూరనేల యెవ్వరూ నేమి సేతురు

వికీసోర్స్ నుండి

ఇతరుల దూరనేల యెవ్వరూ నేమి సేతురు
 మతివారూఁ దమవంటి మనుజులేకాక

చేరి మేలుసేయఁ గీడుసేయ నెవ్వరు గర్తలు
ధారుణిలో నరులకు దైవమేకాక
సారెఁ దనవెంటవెంటఁ జనుదెంచేవా రెవ్వరు
బోరునఁ జేసినపాపపుణ్యాలే కాక

తొడఁగి పొగడించాను దూషించా ముఖ్యులెవ్వరు
 గుడికొన్న తనలోని గుణాలేకాక
కడుఁగీర్తీ నపకీర్తి గట్టెడివా రెవ్వరు
 నడచేటితనవర్తనములేకాక

ఘనబంధమోక్షాలకుఁ గారణ మిఁక నెవ్వరు
 నవిచినజ్ఞానాజ్ఞానములే కాక
తనకు శ్రీవేంకటేశుఁ దలపించేవా రెవ్వరు
కొనమొద లెఱిఁగినగురుఁడేకాక 2-174