ఇతరమెరఁగగతి ఇదియె శరణ్యము

ఇతరమెరఁగగతి ఇదియె శరణ్యము
సతత పూర్ణునికి శరణ్యము

సర్వలోకముల సాక్షై కాచిన
సర్వేశ్వరునకు శరణ్యము
వుర్వికి మింటికి నొక్కట బెరిగిన
సార్వభౌమునకు శరణ్యము

శ్రీకాంతనురము చెంగట నిలిపిన
సాకారునకు శరణ్యము
పైకొని వెలిఁగేటి పరంజ్యోతియై(యౌ)
సౌకుమారునకు శరణ్యము

తగనిహ పరములు దాసుల కొసఁగేటి
జగదీశ్వరునకు శరణ్యము
నగుశ్రీ వేంకట నాధుఁడనీకును
సుగుణ మూర్తికయిదె శరణ్యము 4-376