ఇతడే యతఁడు గాఁబోలేలిక బంటును నైరి

ఇతడే యతఁడు గాఁబోలేలిక బంటును నైరి
మితిలేని రాఘవుఁడు మేటి హనుమంతుఁడు

జలధి బంధించి దాఁటె చలపట్టి రాఘవుఁడు
అలరి వూరకే దాంటె హనుమంతుఁడు
అలుకతో రావణుని యదటణఁచెనతఁడు
తలఁచి మైరావణుని దండించె నితఁడు

కొండ వెల్లగించెఁ దొల్లి గోవర్ధునుఁడతఁడు
కొండతో సంజీవి నెత్తె గోరి యితఁడు
గుండు గరఁచె నహల్యకొరకు సీతాపతి
గుండు గరగఁగఁ పాడె కోరి యితఁడు

అంజనాచలము మీఁద నతఁడు శ్రీవేంకటేశుఁశు
డంజనీ తనయుఁడాయ ననిలజుడు
కంజాప్తకుల రామ ఘనుఁడు దానును దయా
పుంజమాయ మంగాంబుధి హనుమంతుఁడు 4-443