ఇట్టే సంసారికేదియు లేదాఁయ

వికీసోర్స్ నుండి

ఇట్టే సంసారికేదియు లేదాఁయ
తట్టిపడుటే కాని దరి చేరలేదు

ములిగి భారపుమోపు మోఁచేటివాఁడు
అలసి దించుకొను నాడాడను
అలరు సంసారికి నదియు లేదాయ
తొలఁగని భారమెందును దించలేదు

తడవి వేఁపచేఁదు త్రావెడివాఁడు
ఎడయెడఁ దిను దీపేమైనను
అడరు సంసారికి నదియు లేదాయ
కడుఁ జేఁదెకాని యెక్కడాఁ దీపులేదు

దొరకొని హేయమే తోఁడేటివాఁడు
పరిఠవించును మేఁన బరిమళము
అరిది సంసారికి నదియు లేదాయ
ఇరవు వేంకటపతి నెఱుఁగలేఁడు