ఇట్టి ముద్దులాఁడి బాలుడేడవాఁడు వానిఁ

ఇట్టి ముద్దులాఁడి బాలు డేడవాఁడు వానిఁ
పట్టితెచ్చి పొట్టనిండ పాలువోయరే

గామిడై పారితెంచి కాగెడి వెన్నెలలోన
చేమపూవు కడియాల చేయిపట్టి
చీమ గుట్టెనని తన చెక్కిటఁ కన్నీరు జార
వేమరువాపోవు వాని వెడ్డు వెట్టరే

ముచ్చువలె వచ్చి తన ముంగమురుగుల చేయి
తచ్చెడి పెరుగులోనఁ దగబెట్టి
నొచ్చెనని చేయిదీసి నోరనెల్లఁ జొల్లుగార
వొచ్చెలి వాపోవువాని నూరడించరే

యెప్పుడు వచ్చెనో మాయిల్లు చొచ్చి పెట్టెలోని
చెప్పరాని వుంగరాల చేయిపెట్టి
అప్పఁడైన వేంకటాద్రి అసవాలకుఁడు గాన
తప్పకుండ పట్టి వాని తలకెత్తరే