అప్పులేని సంసారమైన పాటే చాలు

అప్పులేని సంసారమైన పాటే చాలు

తప్పులేని జీతమొక్క తారమైనఁ జాలు

కంతలేని గుడిశొక్క గంపంతయినఁ జాలు

చింతలేని యంబలొక్క చారెఁడే చాలు

జంతగాని తరుణి యేజాతైన నదె చాలు

వింతలేని సంపదొక్క వీసమే చాలు

తిట్టులేని బ్రదుకొక్క దినమైన నదె చాలు

ముట్టులేని కూడొక్క ముద్దెఁడే చాలు

గుట్టుచెడి మనుకంటే కొంచెపు మేలైనఁ జాలు

వట్టి జాలిఁ బడకుంటే వచ్చినంతే చాలు

లంపటపడని మేలు లవలేశమే చాలు

రొంపి కంబమౌ కంటె రోయుటే చాలు

రంపపుఁ గోరిక కంటె రతి వేంకటపతి

పంపున నాతనిఁ జేరే భవమే చాలు 1-114